BAKI, 14 iyul — Sputnik. "Biz Bəşər Əsədin hakimiyyətdən getməsi üçün əlavə güc sərf etməyəcəyik. Bundan sonrakı əsas hədəfimiz terrorizmi yox eləmək olacaq". Sputnik Azərbaycan "RT"-yə istinadən xəbər verir ki, bunu Fransa prezidenti Emmanuel Makron paytaxt Parisdə amerikalı həmkarı Donald Trampla görüşü zamanı deyib.
"Əsədin istefa verib-verməməsi artıq Fransa üçün o qədər də vacib şərt deyil. Məqsədimiz oralarda özünə məskən salan terrorçuları məhv eləməkdir" — Makron qeyd edib.
Görüşün sonunda Fransa və ABŞ prezidentləri Suriyanın gələcəyi ilə bağlı "yol xəritəsi"nin hazırlanması üçün işçi qrupunun yaradılmasını təklif ediblər.
