CƏMİYYƏT
Cəmiyyətin həyatında baş verən aktual hadisələr

Nazirlik ərazini nəzarətə götürüb

CC BY 2.0 / jimi kim / stumpKəsilmiş ağac kötüyü, arxiv şəkli
Kəsilmiş ağac kötüyü, arxiv şəkli - Sputnik Azərbaycan
Abunə olmaq
Ərazidəki yaşıllıqların mühafizəsinin təmin edilməsi ilə bağlı ETSN tərəfindən Bakı Şəhər İcra Hakimiyyətinə, "Sky Recidence" və "Qismət-M Construction" MMC-lərə məktub göndərilib

BAKI, 14 iyul — Sputnik. Ekologiya və Təbii Sərvətlər Nazirliyinin "Qaynar xətt"inə Bakı şəhəri, Yasamal rayonu, Şərifzadə küçəsi 162 və 174 saylı binaların sakinləri tərəfindən sözügedən yaşayış binalarının ətrafındakı ağacların kəsilmə təhlükəsi ilə bağlı daxil olmuş şikayət Nazirliyin əməkdaşları tərəfindən şikayətçilərin iştirakı ilə yerində araşdırılıb. Bu barədə Sputnik Azərbaycan-a Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova məlumat verib. O, bildirib ki, araşdırma zamanı Yasamal rayonu, Şərifzadə küçəsi 162 və 174 saylı ünvanlarda yerləşən istismar müddəti başa çatmış beşmərtəbəli yaşayış binalarının sökülməsinə və sökülmüş binaların yerində yüksəkmərtəbəli yaşayış binalarının tikintisinin layihələndirilməsi üçün torpaq sahələrinin müvafiq olaraq "Sky Recidence" və "Qismət-M Construction" MMC-lərə ayrılmasına Yasamal Rayon İcra Hakimiyyəti tərəfindən sərəncam verildiyi müəyyən olunub.

Əraziyə keçirilən baxış zamanı 162 saylı binanın ətrafındakı yaşıllıq sahəsində yaş köküstə müxtəlif cinsli və diametrli 171 ağacın və 43 kol bitkisinin, 174 saylı binanın ətrafındakı yaşıllıq sahəsində isə yaş köküstə müxtəlif cinsli və diametrli 162 ağacın və 22 kol bitkisinin olduğu məlum olub, ərazidə ağac və kol bitkilərinin kəsilməsi faktına rast gəlinməyib. Lakin söküntü və tikinti işləri aparılacağı təqdirdə ərazidə mövcud olan ağacların əksər hissəsinin məhv ediləcəyi istisna olunmur.

Ərazidəki yaşıllıqların mühafizəsinin təmin edilməsi ilə bağlı ETSN tərəfindən Bakı Şəhər İcra Hakimiyyətinə, "Sky Recidence" və "Qismət-M Construction" MMC-lərə məktub göndərilib. Ərazi nəzarətə götürülüb.

Xəbər lenti
0