BAKI, 13 iyul — Sputnik. İsveçin ən prestijli musiqi mükafatına layiq görülən ingilis rok müğənnisi Stinq, 104 min avro (200 min manata yaxın) dəyərindəki mükafatını, mühacir gənclərin cəmiyyətə inteqrasiyasını nəzərdə tutan musiqi layihəsinə bağışlayıb. Sputnik Azərbaycan News-a istinadən xəbər verir ki, sözügedən layihə, qaçqın gənclərin inteqrasiyasının musiqi ilə təmin edilməsini təşviq edir.
"Musiqi insanlar arasında körpü yaratma gücünə malikdir. Ona görə də, mən hesab edirəm ki, qaçqınların cəmiyyətə inteqrasiyasını musiqi ilə təmin etmək lazımdır" — Stinq deyib.
65 yaşlı ulduz müğənni bundan əvvəl də dəfələrlə xeyriyyə məqsədli yardımlar etmişdi.
