BAKI, 13 iyul — Sputnik. Dövlət İmtahan Mərkəzinin (DİM) səlahiyyətləri artırılıb. APA-nın xəbərinə görə, bununla bağlı "Dövlət qulluqçularının etik davranış qaydaları haqqında" qanununda dəyişiklik edilib.
Dəyişikliyə əsasən, Azərbaycanda dövlət orqanlarında çalışan dövlət qulluqçularının etik davranışlarına əməl olunmasına nəzarət DİM-ə tapşırılıb.
Bundan sonra vətəndaşlar dövlət məmurlarının qeyri-etik davranışlarından DİM-ə şikayət edə bilərlər.
