BAKI, 7 iyul — Sputnik. Almaniyanın Hamburg şəhərində keçirilən G20 zirvəsində maraqlı anlar yaşanıb.
Sputnik Azərbaycan "Milliyet"ə istinadla xəbər verir ki, Türkiyə prezidenti Rəcəb Tayyib Ərdoğan ABŞ prezidenti Donald Trampla bir müddət söhbət edib.
Şəkildən də göründüyü kimi, Tramp diqqətlə türk həmkarını dinləyir.
Zirvədə Ərdoğanın yanında Böyük Britaniyanın baş naziri Tereza Mey oturur. Mey bu kreslonu boşaldar-boşaltmaz, Tramp onun yerinə keçərək Ərdoğanla söhbət edib.
Zirvədə ənənəvi kollektiv ailə fotosu da çəkilib. Şəkil üçün düzülüş sırasında diqqəti çəkən əsas məqam Rusiya prezidenti Vladimir Putinin Ərdoğan və Çin lideri Şi Jinpinqin arasında dayanması olub.
ABŞ prezidenti Donald Tramp xeyli kənarda Fransa prezidenti Emmanuel Makronla yanaşı dayanır. O, obyektivə baxmaq əvəzinə ona doğru çevrilən İndoneziya baş naziri Joko Vidodoya baxır. Sonrakı kadrlarda isə Tramp xətasını anlayaraq obyektivə baxmağa başlayır.
