BAKI, 6 iyul — Sputnik. Venesuelada aylardır davam edən iqtidar-müxalifət qarşıdurması pik həddə çatıb. Sputnik Azərbaycan xarici mətbuata istinadən xəbər verir ki, paytaxt Karakasda müxalifətin nəzarətindəki parlament, anidən prezident Nikolas Maduronun tərəfdarlarının hücumuna məruz qalıb.
Hadisə zamanı 7 millət vəkilinin yaralandığı bildirilir. Onlardan 5-i xəstəxanaya yerləşdirilib.
Qeyd edək ki, Venesuelada aprel ayının 4-dən etibarən kütləvi aksiyalar davam edir. Etirazçılar prezident Maduronun istefasını tələb edirlər. İndiyədək 88 nümayişçinin polislə toqquşmalar zamanı həyatını itirdiyi qeyd olunur.
