Əli Əlirzayev: “Azərbaycanın regionları turizm resursları ilə zəngindir”
"Azərbaycanda daxili turizmin inkişaf potensialı yüksəkdir". Bunu Sputnik Azərbaycan-a açıqlamasında İqtisad Universitetinin professoru Əli Əlirzayev deyib: “Rayonların sosial-iqtisadi inkişafı məsələləri həll olunur. Regionlarda turizm resursları zəngindir. Həmçinin regionlarda ev təsərrüfatları inkişaf edir, mənzil şəraiti yaxşılaşdırılır. Bu kimi hallar yerli əhalini istirahət etmək üçün rayonlara üz tutmasına imkan yaradır”.
“Nəqliyyat xidmətinin yaxşılaşması, otel təsərrüfatının inkişafı bunlar hamısı daxili turizmin potensialını artırır. Yerli əhalinin xaricə üz tutmasının müəyyən səbəbləri var. Əminliklə demək olar ki, Azərbaycanda gəlmə turizminin inkişafı getmə turizmini üstələməyə başlayıb” – deyə o bildirib.
