QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Azərbaycandan ATƏT Parlament Assambleyasına çağırış

© Sputnik / Anar MustafayevBahar Muradova: referendumdan sonra keçən müddət ərzində biz çoxsaylı struktur islahatların həyata keçirilməsini şərtləndirən qanunlar qəbul etmişik
Bahar Muradova: referendumdan sonra keçən müddət ərzində biz çoxsaylı struktur islahatların həyata keçirilməsini şərtləndirən qanunlar qəbul etmişik - Sputnik Azərbaycan
Abunə olmaq
"Təmas xəttində mülki vətəndaşlarımıza hücumlar sistemli xarakter daşıyır"

BAKI, 5 iyul — Sputnik. "Ermənilərin təmas xəttində mülki vətəndaşlara hücumları, təəssüf ki, sistemli xarakter daşıyır. Mənə xüsusilə ağırdır, çünki Füzuli rayonu Alxanlı kəndində ölənləri şəxsən tanıyırdım, indi isə onlar həyatda yoxdurlar".

Vaqif Dərgahlı - Sputnik Azərbaycan
QARABAĞ
Müdafiə Nazirliyi Alxanlı hadisəsinin təfərrüatlarını açıqladı

"Report" xəbər verir ki, bunu Milli Məclisin vitse-spikeri Bahar Muradova Minskdə ATƏT-in Parlament Assambleyasının plenar iclasında çıxışı zamanı deyib. Çıxışı zamanı B. Muradova Dağlıq Qarabağ münaqişəsinin dinc vətəndaşların həyatını almaqda davam etdiyini vurğulayıb. O, Ermənistan silahlı bölmələrinin iyulun 4-də Füzuli rayon Alxanlı kəndini atəşə tutduğunu, nəticədə kənd sakinləri 1967-ci il təvəllüdlü Quliyeva Sahibə İdris qızı və onun iki yaşlı nəvəsi Zəhra Quliyevanın həlak olduğunu bildirib.

ATƏT PA-nın deputatlarının ermənilərin bu cinayətini qınamağa çağıran B. Muradova, həmçinin plenar iclaslar çərçivəsində ATƏT PA-nın deputatlarının Misnk qrupunun həmsədrləri ilə görüşlərinin daha tez-tez təşkil edilməsinə çağırış edib. O, Xorvatiyada plenar sessiya çərçivəsində deputatların Dağlıq Qarabağ münaqişəsinin həlli üzrə vasitəçilər ilə görüşdüyünü, onlarla fikir mübadiləsi aparıldığını xatırladıb.

"Gələcəkdə də bu təcrübədən istifadə olunacağına ümid edirik. Parlamentarilər onların işinə töhfə verə bilərlər" — vitse-spiker vurğulayıb.

Qeyd edək ki, iyulun 4-də Ermənistan silahlı qüvvələri tərəfindən Füzuli rayonunun Alxanlı kəndi 82 və 120 millimetrlik minaatanlardan və dəzgahlı qumbaraatanlardan atəşə tutulub. Ermənistan tərəfinin bu təxribatı nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyata götürülüb.

Xəbər lenti
0