BAKI, 3 iyul — Sputnik. "Biosfer" İctimai Birliyi, Azərbaycan Respublikasının Prezidenti yanında QHT-lərə Dövlət Dəstəyi Şurasının ayırdığı maliyyə yardımı ilə, "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsinin icrasını davam etdirir.
İctimai Birlikdən Sputnik Azərbaycan-a verilən məlumata görə, may ayının əvvəlindən başlayan icra prosesi çərçivəsində, 2017-ci il iyul ayının 1-də Xəzər rayonunun 38 saylı Texniki Yaradıcılıq Mərkəzində valideyn himayəsindən məhrum olmuş, qaçın və imkansız ailələrdən olan uşaqlar üçün növbəti təlim keçirilib.
Təlimdə 20 nəfər oğlan uşağı iştirak edib. Bu təlimdə uşaqlar müxtəlif aksesuarların hazırlanmasının şahidi olublar və özləri də bunu hazırlayıblar. Onlar müxtəlif güldanlar, muncuqlardan heyvan fiqurları hazırlayıblar. Uşaqlar bu işdən zövq aldıqlarını qeyd ediblər.
