BAKI, 29 iyun — Sputnik. İyun ayının 29-də "qara bazar"da dollar bahalaşıb. Fins.az-ın fərdi qaydada valyuta satışı ilə məşğul olan şəxslərdən əldə etdiyi məlumatlara əsasən səhər saatlarında dolların alışı 1.6900 manat olaraq qalıb, satışı isə 1.6950 manatdan 1.7000 manata bahalaşıb.
Avronun "qara bazar" kursu isə dəyişməyib. Hazırda Avropa valyutasının alışı 1.8800 manat, satışı isə 1.8900 manat olaraq qalıb.
Bununla belə, bu gün banklararası ticarətdə dollar yenidən düşüb. "Bloomberg" terminalında dollar günə 1.6960 manat kursu ilə başlayıb. Başqa sözlə, dollar manat qarşısında 0,48% dəyər itirib.
Qeyd edək ki, ötən gün "Bloomberg"də dollar ticarəti 1.7000 manat məzənnəsi ilə yekunlaşmışdı. Xatırladaq ki, bir sıra banklar öz müştəriləri üçün müəyyən etdiyi alış-satış qiymətlərini Bloomberg platformasında əks etdirirlər. Bu sifarişlər əsasında başqa bir indeks formalaşır ki, həmin indeks Bloomberg ticarət platforması ilə yanaşı Bloomberg.com saytında da elan olunur.
