Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

Bakı sakinindən inanılmaz addım

Xəbərlərə abunə olun
Yandex newsTelegram
Pulla aldığı bu bahalı və nadir heyvanı zooparka bağışladı, həm də reklam olunmasını istəmədi

BAKI, 29 iyun — Sputnik. Bakı sakini şəhər zooparkına dişi bəbir bağışlayıb. Bu barədə Sputnik Azərbaycan-a Bakı Zoologiya Parkının direktoru Azər Hüseynov məlumat verib.

Bəbir 4,5 aylıqdır. Heyvan zooparka 2 həftə əvvəl hədiyyə edilib və artıq heyvanxana mühitinə adaptasiya olub. Hüseynovun sözlərinə görə, bəbiri hədiyyə edən şəxs adının açıqlanmamasını və heç yerdə hallandırılmamasını xahiş edib.

Məlum olub ki, ilk bəbiri də zooparka dörd il əvvəl başqa bir Bakı sakini hədiyyə edib. Hüseynov şəhər sakinlərinin bu heyvanları haradan əldə etdiklərini bilmədiyini deyib. Onları "yaxşı insanlar" kimi təqdim edən Hüseynov vurğulayıb ki, məhz belə insanların sayəsində Bakı zooparkı nadir heyvan növləri ilə zənginləşib. 

Московскому зоопарку - 150 лет - Sputnik Azərbaycan
Siyasi şərhçilərdən hətta vəhşi heyvanlar belə qorxurlar

"Ola bilsin, onlar bu heyvanları alaraq bizə hədiyyə ediblər. Dəqiq məlumatım yoxdur. Gətiriblər və soruşublar ki, qəbul edə bilərik? Mən də demişəm ki, bilərik. Çünki bilirsiniz, zooparkda erkək var idi. Sevindim. Hazırda biz onları yedizdiririk. Heyvanlar adaptasiya olunurlar" — deyə zooparkın direktoru bildirib.

Hazırda Bakı zooparkında 150 növ heyvan var.

Xəbər lenti
0