Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Azərbaycan muğamı isveçrəliləri valeh edib

© AZƏRTACİsveçrədə “Azərbaycan muğamları gənc muğam ifaçılarının təqdimatında” adlı layihə
İsveçrədə “Azərbaycan muğamları gənc muğam ifaçılarının təqdimatında” adlı layihə - Sputnik Azərbaycan
Xəbərlərə abunə olun
НовостиTelegram
İfaçılar 55 dəqiqədə muğam sənətinin bütün gözəlliyini isveçrəlilərə və buradakı əcnəbi qonaqlara çatdırmağa çalışıblar

BAKI, 28 iyun — Sputnik. İsveçrənin Bazel şəhərində "Azərbaycan mədəniyyəti inciləri" proqramı çərçivəsində "Azərbaycan muğamları gənc muğam ifaçılarının təqdimatında" adlı növbəti layihə həyata keçirilib.

Diasporla İş üzrə Dövlət Komitəsindən Sputnik Azərbaycan-a verilən məlumata görə, layihə İsveçrədə fəaliyyət göstərən "Azərbaycanın Dostları" Birliyinin sədri Arzu Əliyevanın təşəbbüsü, Beynəlxalq Muğam Mərkəzinin və ölkəmizin İsveçrədəki səfirliyinin dəstəyi ilə reallaşıb.

© AZƏRTACİsveçrədə “Azərbaycan muğamları gənc muğam ifaçılarının təqdimatında” adlı layihə
İsveçrədə “Azərbaycan muğamları gənc muğam ifaçılarının təqdimatında” adlı layihə  - Sputnik Azərbaycan
İsveçrədə “Azərbaycan muğamları gənc muğam ifaçılarının təqdimatında” adlı layihə

Bazel şəhərindəki "Botanika" bağında təşkil olunan muğam axşamında Azərbaycan musiqisinin pərəstişkarları iştirak edib.

Легендарный азербайджанский музыкант Вагиф Мустафазаде - Sputnik Azərbaycan
Azərbaycan Muğam Caz Hərəkatının memarı

Azərbaycandan dəvət olunmuş gənc muğam ifaçıları Ehtiram Hüseynov, Günay İmamverdiyeva və onları müşayiət edən musiqiçilər Xəyyam Məmmədov, Rövşən Qurbanov qonaqlara unudulmaz anlar yaşadıb. İfaçılar 55 dəqiqə davam edən musiqi proqramında muğam sənətinin bütün gözəlliyini isveçrəlilərə və buradakı əcnəbi qonaqlara çatdırmağa çalışıb.

Sonda tədbir iştirakçılarına və qonaqlara təşəkkür edən Arzu Əliyeva belə tədbirlərin tamamilə fərqli mədəniyyətə, düşüncə tərzinə malik insanlar arasında körpü olduğunu vurğulayıb. Gələcəkdə də bu cür görüşlərin keçiriləcəyinə böyük ümid bəslədiyini bildirib və əlavə edib ki, bu kimi layihələr İsveçrə musiqiçilərinin də Azərbaycanda konsertlərinin təşkilinə təkan verəcək.

Qeyd edək ki, Azərbaycan muğam sənətinə həsr olunmuş ikinci konsert proqramı "Azərbaycanlıların İsveçrədəki Mədəniyyət Mərkəzi"nin sədri Qasım Nəsirovla birgə Bern şəhərinin "Ono" Mədəniyyət Mərkəzində təşkil olunub. Bu tədbirdə də Azərbaycan musiqisinin çoxsaylı pərəstişkarlarını bir araya gətirib.

Xəbər lenti
0