BAKI, 23 iyun — Sputnik. İŞİD öz üzvlərinə sosial şəbəkələri qadağan edib.
Sputnik Azərbaycan "Haberler"ə istinadla xəbər verir ki, bir zamanlar terrorist toplamaq və güc nümayişi etmək üçün peşəkarcasına istifadə etdiyi sosial şəbəkələr İŞİD-in başına bəla olmağa başlayıb.
İŞİD xarici kəşfiyyat xidmətlərinin təşkilata sızması səbəbi ilə üzvlərinə sosial şəbəkələri qadağan edib.
Təşkilat üzvlərinin sosial şəbəkələrdə diqqətsiz davranışları üzündən həyatını itirən çoxlu sayda yaraqlılarının olduğunu qeyd edib.
Terror təşkilatı sosial şəbəkələr üzündən çoxlu sayda mərkəzlərinin məhv edildiyini, buna görə də bundan sonra bu saytların istifadə edilməsinin tamamilə qadağan olduğunu açıqlayıb.
