Gülər Əhmədova: “İnsanın cəmiyyətlə olan təmaslarının kəsilməməsi üçün bütün hüquqlar qorunmalıdır”
Şəxsiyyətin inkişafdan qalmaması, eyni zamanda insanın cəmiyyətlə olan təmaslarının kəsilməməsi üçün bütün hüquqlar qorunmalıdır. Sputnik Azərbaycan xəbər verir ki, bunu keçmiş millət vəkili Gülər Əhmədova deyib.
“Həbsxanada keçirilən zaman insan həyatının bir hissəsidir. Heç bir halda cəmiyyətdə həmin vaxt itirilmiş dövr kimi qəbul olunmamalıdır. Dünyada çox sayda tanınmış insan məhkumluq həyatı yaşayıb. Bu həbs dövründə onların bəziləri ali məktəb qurtarıb, bəziləri də böyük elmi əsərlərin müəllifinə çevriliblər. Həbsxanada həyat bitmir, başqa formaya keçir. Həbsə düşmək həyatın sonu deyil” – deyə o bildirib.
