BAKI, 19 iyun — Sputnik. "Əl-Cəzirə" telekanalı Türkiyə ilə Qətər arasında keçirilməsi planlaşdırılan hərbi təlimlər çərçivəsində Türkiyə Silahlı Qüvvələrinə aid birliklərin dünən gecə Qətərə çatdığını bildirib.
Sputnik Türkiyə xəbər verir ki, Qətərin Müdafiə Nazirliyi hərbi təlimlərə qatılmaq üçün Türkiyə hərbi qrupunun paytaxt Dohaya gəldiyini açıqlayıb.
Uzun zamandır planlaşdırılan təlimlər hər iki ordunun müdafiə qabiliyyətini gücləndirməyi, silahlı qruplarla mübarizədə səyləri artırmağı və bölgədə sabitliyi davam etdirməyi qarşısına məqsəd qoyan anlaşmanın bir parçasıdır.
