BAKI, 19 iyun — Sputnik. Miss & Mister Azerbaijan 2017 Milli gözəllik müsabiqəsinin final şousu keçirilib. 16 qız və 16 oğlan kastinqdən keçərək finala çıxıblar və "ən gözəl" adını qazanmaq üçün mübarizə aparıblar.
Əvvəlcə qızlar çimərlik geyimində tamaşaçılar qarşısına çıxıblar. Sonra özlərinin də tikilişində iştirak etdikləri iki cür ziyafət geyimində səhnədə görünüblər. Oğlanlar isə idman geyimi, gündəlik paltar və kostyumda tamaşaçıların qarşısından keçiblər.
Münsiflərin məsləhətləşməsindən sonra iştirakaçılara mükafatlar və sponsorların verdikləri titullar təqdim olunub. Bunun ardınca isə əsas nominasiyalarda qaliblər elan olunub. Miss Azərbaycan 2017 adını Raziyət Əliyeva, Mister Azərbaycan 2017 adını isə Əli Hüseynov qazanıb.
Gecənin qonaqları həmçinin məşhur şansonye və münsif Fərhad Bakinskinin iştirakı ilə maraqlı musiqi proqramına tamaşa ediblər, müsabiqə bitdikdən sonra isə diskoteka olub.
