BAKI, 19 iyun — Sputnik. 19 avqust 2017-ci il. Vanqaya görə, bu dünyanın sonuncu günüdür.
Böyük görücünün dostu və tərcüməçisi Todor Todorov bir müddət əvvəl REN TV-nin yeni "Məxfi siyahılar" sənədli layihəsinə verdiyi eksklüziv müsahibədə belə deyib. O, müsahibəsində görücünün yaddan çıxmış öncəgörmələri barədə danışıb. Bu günlərdə digər görücülər də Vanqanın vaxtilə dediyi tarixi təkrarlamağa başlayıblar.
"O deyirdi ki, Rusiyaya çox ağır dövrlər gələcək, o, "canavarlar" tərəfindən parçalanacaq. Mən yalnız indi anlayıram ki, Vanqa nə demək istəyirdi " — deyə bolqar görücü Vanqanı ömrünün son illərində ziyarət edən Todor Todorov bildirib.
Todorovun sözlərinə görə, Vanqa Avropaya mühacir axınını da öncədən görüb, lakin bu barədə üstüörtülü danışıb:
"Vaxt gələcək, səhradan camaat axıb gələcək"
"Biz indi nəyi müşahidə edirik? Kim səhrada yaşayır? Söhbət hansı camaatdan gedir? O, "ərəblər" sözünü deməmişdi, millətin adını açıqlamamışdı və s. "Səhradan camaat Avropaya gələcək. Hamı gələcək!" onun bütün sözü bundan ibarət idi" — deyə Todorov bildirib.
Todorovun sözlərinə görə, onun ən dəhşətli öncəgörməsi 19 avqust 2017-ci illə bağlı idi.
"Dünyanın bütün görücüləri bu tarixi böyük qorxu ilə gözləyir. Onlar əmindirlər ki, həmin gün böyük kataklizmlərin başlanğıcı olacaq" — Todorov bildirib.
