Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

Nəsimi rayonunda nə baş verir — izləyin

© Sputnik / Irade JELILAsif Məhərrəmov küçəsi 46, 50 saylı binaların həyəti
Asif Məhərrəmov küçəsi 46, 50 saylı binaların həyəti - Sputnik Azərbaycan
Xəbərlərə abunə olun
НовостиTelegram
Sakinlərdən biri baş verənləri video-lentə alıb

BAKI, 19 iyun — Sputnik. Paytaxtın Nəsimi rayonu, Asif Məhərrəmov küçəsi 50 ünvanında yaşayan Mahirə Kərimova, binanın həyətində ağacların kəsilməsi ilə bağlı Sputnik Azərbaycan-ın redaksiyasına video göndərib. Sakinin sözlərinə görə, ağaclar gündüz kökündən çıxarılır, axşamlar isə doğranılır və gizlicə daşınır. M. Kərimova məsələ ilə bağlı Ekologiya və Təbii Sərvətlər Nazirliyinə (ETSN) dəfələrlə müraciət edildiyini də qeyd edib.

ETSN-in yetkilisi Ruslan Bayramov Sputnik Azərbaycan-ın sorğusuna cavab olaraq bildirib ki, nazirliyin qaynar xəttinə daxil olan şikayət ərizəsi əsasında araşdırma aparılıb. Araşdırma zamanı ağackəsmə faktı təsdiqini tapıb.

© © KarikaturaAğackəsən
Ağackəsən - Sputnik Azərbaycan
Ağackəsən

"Bir ağac kəsmiş fiziki şəxs Məmədov Teymur Arif oğlu İnzibati Xətalar Məcəlləsinin 153.2 maddəsinə görə, tərəfimizdən cərimə edilib. Ərazidə aparılan araşdırma zamanı həmin şəxs bildirib ki, ona ərazidə abadlaşdırma işi aparmaq tapşırılıb. O da ağacı yerindən çıxarıb. Ərazidə cəmi bir ağacın kəsilməsi faktı qeydə alınıb" — nazirlik rəsmisi vurğulayıb.

Xatırladaq ki, bir müddət əvvəl Sputnik Azərbaycan-ın əməkdaşı Asif Məhərrəmov küçəsində olub, sakinlərin problemlərini dinləmişdi. Sakinlər bildirmişdilər ki, onların həyətində yeni 4 mərtəbəli Şahmat məktəbi tikiləcək. Hazırda ərazidə tikinti işləri gedir.

Xəbər lenti
0