BAKI, 17 iyun — Sputnik. Aradan 70 ildən çox zaman keçməsinə baxmayaraq, İkinci Dünya Müharibəsinin qalıqları bu gün də Almaniyanı narahat edir. Belə ki, Almaniyanın Hannover şəhərində İkinci Dünya Müharibəsindən qalma, 250 kiloqramlıq bomba tapılıb.
Sputnik Azərbaycan Türkiyə mətbuatına istinadən xəbər verir ki, bombanın tapılması 15 min adamın evinin boşaldılmasına səbəb olub. Araşdırmaçılar ötən həftə qazıntılar zamanı bomba tapılan ərazidə evlərin boşaldılmasını məsləhət görüblər. Lazımi tədbirlər görülsə də, vətəndaşların bombanın olduğu yerə yaxınlaşmamaları üçün bir təyyarə mütəmadi olaraq əraziyə nəzarət edir.
