Leyla Abdullayeva, Sputnik Azərbaycan
BAKI, 15 iyun — Sputnik. Bakı-Yalama yolunda ağır yol-nəqliyyat hadisəsi qeydə alınıb. Sputnik Azərbaycan-ın bölgə müxbirinin məlumatına görə, hadisə Xaçmaz rayonunun Susayqışlaq kəndi ərazisində baş verib. Markası bilinməyən avtomobilin dərəyə yuvarlanması nəticəsində 5 nəfər ağır xəsarət alıb. Yaralılardan birinin Xaçmaz rayonu polis şöbəsinin əməkdaşı olduğu bildirilib.
Yaralılar təcili tibbi yardım maşınları ilə Xudat və Xaçmaz xəstəxanalarına çatdırılıblar. Hazırda xəstələrin vəziyyəti ağır qiymətləndirilir.
