Telman Zeynalov: “Azərbaycanda kənd təsərrüfatı torpaqlarının 400-600 min hektarı şoranlaşıb”
Azərbaycanda kənd təsərrüfatı torpaqlarının 400-600 min hektarı şoranlaşıb. Bunu Sputnik Azərbaycana açıqlamasında Ekoloji Proqnozlaşdırma Mərkəzinin prezidenti, ekoloq Telman Zeynalov deyib.
“Suya qənaət etmədən başlı-başına suvarılma torpaqların şoranlaşmasına səbəb olub. Həmçinin bizdə günəş şüasının həddən çox olması da torpaqları şoranlaşdırır. Bu şoranlaşmada kənd təssərrüfatı işçilərinin də rolu var. Hazırda Ekologiya və Təbii Sərvətlər Nazirliyi, Fövqəladə Hallar Nazirliyi, Azərbaycan Respublikası Dövlət Neft Şirkəti və “İdeya” təşkilatı ekoloji durumun yaxşılaşdırılması ilə əlaqədar işlər görürlər. “İdeya” təşkilatı tullantılara yeni həyat verir, digər qurumlar isə torpaqların təmizlənib, yaşıllıqların miqdarının artırılması ilə məşğul olurlar” – deyə o bildirib.
