BAKI, 14 iyun — Sputnik. Göygöl rayon Polis Şöbəsinin rəisi tutduğu vəzifədən azad edilib. Daxili İşlər Nazirliyinin (DİN) mətbuat xidmətindən Sputnik Azərbaycan-a verilən məlumata görə, bu barədə daxili işlər naziri, general-polkovnik Ramil Usubov əmr imzalayıb.
Şöbənin rəisi Bahadur Şükürov və 3 əməkdaşı (1 zabit, 2 serjant) vəzifələrindən azad olunublar. Bahadur Şükürov 2015-ci ildə Ağsu rayon Polis şöbəsinin rəisi vəzifəsindən Göygöl rayon Polis Şöbəsinin rəisi vəzifəsinə gətirilib. Hələlik onun yerinə təyinat olmayıb.
