BAKI, 14 iyun — Sputnik. Ankaranın Yenimahalle rayonunda yerləşən İvedik Sənaye Bölgəsində avtomobil ehtiyat hissələri ilə motor yağı satılan bir iş yerində partlayış baş verib.
Sputnik Azərbaycan "haberturk"a istinadla xəbər verir ki, partlayış zamanı 2 nəfər həyatını itirib, 3 nəfər isə yaralanıb.
Partlayışın məişət qazı balonunun partlaması nəticəsində baş verdiyi ehtimal edilir.
Bölgəyə təcili yardım və xilasetmə qrupları cəlb edilib, yanğın nəzarət altına alınıb.
