BAKI, 13 iyun — Sputnik. "Sabah Badamdar qəsəbəsində günün birinci yarısı içməli su olmayacaq".
Bu barədə "Report"a "Azərsu" ASC-nin mətbuat xidmətinin rəhbəri Anar Cəbrayıllı deyib.
Onun sözlərinə görə, fasiləyə səbəb nasosxananı ildırım vurmasıdır: "Badamdar qəsəbəsində içməli su ilə təmin edən nasosxananın elektrik təchizatı sistemini ildırım vurduğundan qəsəbənin içməli su təchizatında iyunun 14-də saat 15:00-dək fasilə olacaq. Hazırda mütəxəssislərimiz hadisə yerində qəzanın nəticələrinin aradan qaldırılması üçün çalışırlar".
