BAKI, 11 iyun — Sputnik. Liviyanın sabiq lideri Müəmmər Qəddafinin oğlu Seyf əl İslam Qəddafi ölkənin Zintan şəhərindəki həbsxanadan azadlığa buraxılıb.
Bu barədə Seyf əl İslam Qəddafini həbsdə saxlayan yerli silahlı qruplaşmanın bəyanatında bildirilir.
Bəyanatda qeyd olunur ki, Qəddafinin oğlu Liviya parlamentinin qəbul etdiyi ümummilli amnistiya qərarı əsasında iyunun 9-da azadlığa buraxılıb.
Seyf əl İslam 2011-ci ildə əsir götürülərək indiyədək Liviya həbsxanasında saxlanılıb. O 2015-ci ildə ölüm cəzasına məhkum edilmişdi.
