BAKI, 3 iyun — Sputnik. ABŞ-ın Suriyada terror təşkilatı PYD/PKK-ya İŞİD-lə mübarizə səbəbiylə hərbi yardımları davam edir.
Sputnik Azərbaycan milliyet-ə istinadla xəbər verir ki, təxminən 3 həftədə ümumilikdə 218 yük maşını Raqqanın şimalındakı təşkilat üzvlərinə göndərilib.
Məlumatlara görə, dünən gecə sursat daşıyan 70 maşın ABŞ-ın Hasekedeki Rümeylan hərbi hava bazasından yola düşüb.
Mayın 15-dən etibarən isə 218 yük maşını göndərilib.
Həftənin əvvəlində ABŞ-ın Müdafiə Nazirliyi (Pentaqon) ilk dəfə PYD/PKK-ya yüngül silahlar və hərbi vasitələr göndərdiyini deyərək İŞİD-lə mübarizə çərçivəsində təşkilatı dəstəkləməyə davam edəcəyini açıqlamışdı.
