Rahim Zakiroğlu, Sputnik Azərbaycan
BAKI, 2 iyun — Sputnik. Bu gün Masallı rayonu Kalonovka kənd ərazisində ağır avtoqəza baş verib.
Belə ki, “VAZ-2106” markalı avtomobillə “Mercedes” markalı minik avtomobil toqquşub. Nəticədə rayonun Qızılağac kənd sakinləri — 1997-ci ilə təvəllüdlü Muradov Bəhruz, 1999-cu il təvəllüdlü Səmədov İbrahim, 1977-ci il təvəllüdlü Cavadov Yusif və 1980-ci il təvəllüdlü Abdullayev Rüfət müxtəlif dərəcəli bədən xəsarətləri alıblar. Xəsarət alanların hamısı Masallı Rayon Mərkəzi Xəstəxanasına yerləşdiriliblər və onlardan biri dərhal əməliyyat olunub.
Məlumat olaraq bildirək ki, xəsarət alanların dördünün də vəziyyəti orta ağırdır. Avtoqəzanın baş vermə səbəbləri araşdırılır.
