BAKI, 1 iyun — Sputnik. Aprel ayında əcnəbilərin və vətəndaşlığı olmayan şəxslərin Azərbaycan Respublikasında olduğu yer üzrə qeydiyyata alınması ilə 46574 müraciət daxil olub. Bu barədə Sputnik Azərbaycan-a Dövlət Miqrasiya Xidmətindən məlumat daxil olub.
Belə ki, ötən ay ərzində 4248 əcnəbi və vətəndaşlığı olmayan şəxs ölkə ərazisində müvəqqəti və daimi yaşamaq üçün, 2704 nəfər ölkə vətəndaşlığına mənsubiyyətinin müəyyənləşdirilməsi ilə bağlı müraciət edib.
1574 nəfər Azərbaycan Respublikasında olma, habelə müvəqqəti və daimi yaşama qaydalarına əməl etmədən inzibati qanunvericiliyin tələblərinin pozub, onlardan 179 nəfərin ölkə ərazisində yaşaması leqallaşdırılıb. 919 nəfərə inzibati cərimə tətbiq edilib və 431 nəfər inzibati cərimə edilərək, deportasiya olunub.
18 nəfər isə ölkə ərazisində müvəqqəti və daimi yaşamaq üçün icazə sənədini itirib.
