CƏMİYYƏT
Cəmiyyətin həyatında baş verən aktual hadisələr

Sahibsiz tikilidən boylanan on bir adam

© Sputnik / Ramil IbrahimovOrucovlar ailəsi
Orucovlar ailəsi - Sputnik Azərbaycan
Abunə olmaq
Binanın sahibi tapılana qədər onların dərdinə çarə tapılmayacaq

Ramil İbrahimov, Sputnik Azərbaycan

BAKI, 1 iyun — Sputnik. Əslən Ağdam rayonunun işğal altındakı Qiyaslı kəndindən olan Orucovlar ailəsi, 24 il əvvəl Bərdəyə pənah gətirib. Rayondakı çayxanalardan birinin binasında məskunlaşıblar.

© Sputnik / Ramil IbrahimovBərdədə Orucovlar ailəsinin məskunlaşdığı köhnə çayxana binası
Bərdədə Orucovlar ailəsinin məskunlaşdığı köhnə çayxana binası - Sputnik Azərbaycan
Bərdədə Orucovlar ailəsinin məskunlaşdığı köhnə çayxana binası

Hazırda binada, aralarında azyaşlılar da olmaqla, 11 nəfər yaşayır. Məcburi köçkün Məryəm Orucovanın sözlərinə görə, binada təbii qazın olmaması ailənin həyat şəraitini daha da çətinləşdirib. Döşəməsi və tavanı beton olduğundan, qışda otaqları isitmək olmur. Bunun üçün ya odun tədarükü görməlidilər, ya da elektrik enerjisindən istifadə etməlidilər ki, bu da baha başa gəlir.

"Elə yayda da, qışda da zülm çəkirik. Xörək bişirmək üçün qaz balonu da işlədirik, elektrik sobası da. İşığın limiti azalandan bu yana çatdıra bilmirik" — Məryəm Orucova Sputnik Azərbaycan-ın bölgə müxbirinə danışır.

Məcburi köçkünlər deyirlər ki, sovet dövründə bu çayxana binasına təbii qaz verilib. Hətta həmin qaz borularının bir hissəsi bu gün də yararlı vəziyyətdədir. İllərdir yaşadıqları binanın yenidən qazla təmin edilməsi üçün dəfələrlə rəsmi qurumlara müraciət ediblər. Ancaq müsbət nəticəsi olmayıb.

© Sputnik / Ramil IbrahimovBinanın mətbəxi
Binanın mətbəxi - Sputnik Azərbaycan
Binanın mətbəxi

Orucovların sözlərinə görə, onların aylıq gəlirləri, dövlətdən müavinət və pensiya şəklində aldıqları 800 manatdan ibarətdir. Heç kim işləmədiyindən ailəyə əlavə qazanc daxil olmur.

© Sputnik / Ramil IbrahimovBinanın sakinləri qaz problemi ilə bağlı dəfələrlə müxtəlif instansiyalara müraciət etsələr də, hələlik müsbət cavab verən yoxdur
Binanın sakinləri qaz problemi ilə bağlı dəfələrlə müxtəlif instansiyalara müraciət etsələr də, hələlik müsbət cavab verən yoxdur - Sputnik Azərbaycan
Binanın sakinləri qaz problemi ilə bağlı dəfələrlə müxtəlif instansiyalara müraciət etsələr də, hələlik müsbət cavab verən yoxdur

"Qışda elə oduna çəkilən xərc 600-700 manat eləyir. Otaqları isitmək olmur, uşaqlar xəstələnir, onların dava-dərmanına da xərc çəkmək lazım olur. Pul olanda ala bilirik, olmayanda qalırıq belə. Elə olur ki, 800 manat görmür, borclanırıq. Bərdə Rayon İcra Hakimiyyətinə, yerli qaz idarəsinə yazmışıq, nəticə yoxdu" – deyir məcburi köçkün Telman Orucov bildirir.

Problemlə bağlı Bərdə Rayon İcra Hakimiyyətindən Sputnik Azərbaycan-a bildirdilər ki, sözügedən bina vaxtı ilə rayondakı kolxozlardan birinə məxsus istirahət evi olub. Kolxoz dağılandan sonra isə bina heç kim tərəfindən özəlləşdirilməyib.

© Sputnik / Ramil IbrahimovQışda otaqları isitmək üçün ailə üzvləri bəzən odun əvəzinə həyətdəki lazımsız taxtalardan, yaxud da çırpıdan istifadə edirlər
Qışda otaqları isitmək üçün ailə üzvləri bəzən odun əvəzinə həyətdəki lazımsız taxtalardan, yaxud da çırpıdan istifadə edirlər - Sputnik Azərbaycan
Qışda otaqları isitmək üçün ailə üzvləri bəzən odun əvəzinə həyətdəki lazımsız taxtalardan, yaxud da çırpıdan istifadə edirlər

Hər hansı təşkilatın balansında da deyil. Bu səbəbdən binaya qaz çəkilməsi haqqında hansısa qurumun rəy verməyə səlahiyyəti yoxdur. Görünür, sahibsiz qalan binanın sahibi tapılana qədər buradakı məcburi köçkünlər elektrik və odun sobalarından istifadə etməyə məcburdurlar.

Xəbər lenti
0