BAKI, 1 iyun — Sputnik. Afrika ölkəsi Nigerdən olan miqrantlar Liviyadakı Böyük Səhrada susuzluqdan ölüblər. Onlar Liviyanı keçərək Aralıq dənizi vasitəsilə Avropa qitəsinə keçmək istəyiblər.
Sputnik Azərbaycan "Daily Mail"-ə istinadən xəbər verir ki, miqrantların həlak olmalarına səbəb, onları daşıyan yük maşınının Sahara səhrasında xarab olmasıdır.
Beynəlxalq Qırmızı Xaç Cəmiyyətinin məlumatına görə, miqrantlardan 6 nəfəri son anda özlərini ən yaxınlıqda olan kəndə çatdıra biliblər.
Susuzluqdan ölənlər arasında uşaqlar da olub.
