BAKI, 30 may — Sputnik. Siyəzəndə dəhşətli hadisə baş verib. Sputnik Azərbaycan-ın bölgə müxbiri xəbər verir ki, qatar rayonun Yenikənd kəndinin sakininin üzərindən keçib.
Əldə etdiyimiz məlumata görə, sərxoş vəziyyətdə relslərin üzərində uzanan, 1981-ci il təvəllüdlü Eyvazov Samir Kamran oğlu qatarın gəlişini hiss etməyib və nəticədə qatar onun üzərindən keçib. Xəstə Siyəzən Müalicə Diaqnostika Mərkəzinə aparılsa da, yolda keçinib.
Ölən şəxsin maşinist köməkçisi işlədiyi bildirilir. Hadisə gecə saat 1-2 radələrində baş verib.
