BAKI, 28 may — Sputnik. İraqın paytaxtı Bağdad şəhərində silsilə terror aktları törədilib.
Sputnik Azərbaycan-ın xarici KİV-ə istinadla verdiyi məlumata görə, partlayışlar paytaxtın Əl-Nəhrəvan, Maskat və Humeyr rayonlarında törədilib.
Baş vermiş partlayışlar nəticəsində 5 nəfərin həlak olduğu, 10-dan artıq insanın ağır xəsarətlər aldığı bildirilir.
İraqın təhlükəsizlik qüvvələrinin Bağdadın qərbində 32 partlayıcı qurğunu zərərsizləşdirməsi nəticəsində planlaşdırılmış xeyli sayda teraktın qarşısı alınıb.
