BAKI, 26 may — Sputnik. Dünyanın diqqətindən kənarda qalmış müharibə kimi də tanınan Yəmən hadisələri səngimək bilmir. Sputnik Azərbaycan "TRT"-yə istinadən xəbər verir ki, ölkənin Taiz vilayətində hökumət qüvvələri ilə, devrilmiş prezident Əli Abdulla Salehin tərəfdarları arasında baş verən toqquşmalar zamanı 38 nəfər həlak olub.
Bu barədə Yəmən ordusunun polkovniki Mənsur Həssani məlumat verib. "Keçmiş prezident Salehin tərəfdarları və onlara dəstək verən husilər, hökumət qüvvələrinin mövqelərini ağır silahlarla atəşə tuturlar" — deyə polkovnik bildirib.
