BAKI, 25 may — Sputnik. OPEC və kartelə üzv olmayan neft ölkələri bu gün Vyanada neft hasilatının azaldılması ilə bağlı 30 noyabr 2016-cı ildə qəbul edilmiş anlaşmanın daha 9 ay müddətinə uzadılmasına dair qərar qəbul ediblər. Bu barədə Sputnik Azərbaycan Bloomberg-ə istinadən məlumat verir.
Anlaşmanın uzadılmasının məqsədi neft qiymətlərinin artımına nail olmaqdır. Bir müddət öncə İranın neft naziri Bican Namdar Zənqane OPEC üçün 1 barrelin qiymətinin 55-60 dollar olması variantının daha sərfəli olduğunu bildirmişdi.
Bu gün günorta saatlarında Brent markalı neftin qiyməti 53,24 dollar olub. Analitiklərin fikrincə, neftin qiymətinin ciddi şəkildə artacağını gözləməyə artıq dəyməz.
