Leyla Abdullayeva, Sputnik Azərbaycan
BAKI, 22 may — Sputnik. Quba rayonunda kişi qadını dəhşətli şəkildə qətlə yetirib.
Rayonun Güləzi kəndində yaşayan Murad Ələsgərov evində həyat yoldaşı Ulduz Ələsgərovaya 5 dəfə balta ilə zərbə endirib. Qonşular səsi eşidərək hadisə yerinə gəlib qadını xilas etmək istəsələr də, bu, mümkün olmayıb. Ulduz Ələsgərova aldığı zərbələrdən keçinib.
Ələsgərov könüllü olaraq Quba RPŞ-yə gələrək istintaqa təslim olub.
Qətlin səbəbi isə qısqanclıq zəminində münaqişədir.
Hal-hazırda Quba Rayon polis şöbəsində istintaq davam edir.
