BAKI, 20 may — Sputnik. İranın dövlət televiziyası, Həsən Ruhanini yenidən prezident seçilməsi münasibətilə təbrik edib və onun yekun qələbəsi barədə məlumat yayıb. Bu barədə Sputnik İran xəbər verir.
Dövlət televiziyası vasitəsilə çıxış edən İran Mərkəzi Seçki Komissiyasının sədri Əliəsgər Əhmədi, seçkinin nəticələri haqda deyib: "İndiki ana qədər 40 milyon 76 min 729 səsvermə bülleteni sayılıb. Onlardan 38 milyon 914 min 470 bülleten etibarlıdır. Həsən Ruhani 22 milyon 796 min 468, Seyid İbrahim Rəisi Sadat 15 milyon 452 min 194, Mustafa Mirsəlim 455 min 211 və Mustafa Haşemi-Taba 210 min 597 səs toplayıb".
Qeyd edək ki, İranın daxili işlər naziri Əbdürrza Rəhmani-Fəzli bu gün seçkinin rəsmi nəticələrini elan edəcək.
