BAKI, 19 may — Sputnik. Dişləri bəyazlıgını itirmiş insanlar, xarici görünüşdən başqa, həm də ruhən sıxıntı yaşayırlar. Siz də dişlərinizin ağarmasını istəyirsinizsə və bunun üçün diş həkiminizdən yardım ala bilmirsinizsə, o zaman təbii yollarla dişləri ağartmanın aşağıdakı üsullarından rahatlıqla istifadə edə bilərsiniz.
Azadqadin.az-ın məlumatına görə bu üsullar aşağıdakılardır:
Birinci üsul: Qabartma tozu- 1 çay qaşığı
Üyüdülmüş sürvə — 1 desert qaşığı
Bu ikisini qarışdırıb, qarışıqla tez-tez dişlərinizi fırçalayın.
İkinci üsul: Həftədə bir dəfə yetişmiş çiyələyə diş fırçasını batırın və dişlərinizi fırçalayın. Bu proses ağız qoxusunu aradan qaldırmağa yardım edəcək, həm də dişlərinizin ağarmasını da tənzimləyəcək.
Üçüncü üsul:
Çay sodası — 1 çay qaşığı
Limon suyu — 1/4 st
Zeytun yağı- 2 damcı
Bu qarışıqla dişləri fırçaladıqda dişlərin saralmasının qarşısını alır.
Bu metodlar ağ və parlaq dişlərə, ağız dolusu gülüşlərə sahib olmağınızda sizə yardım edə bilər.
