BAKI, 12 may — Sputnik. Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 1 dollar və yaxud 1,96% artıb. "Azeri LT CIF" markalı neftin qiyməti 51,99 dollar/barelə bərabər olub.
Sputnik Azərbaycan-ın məlumatına görə, WTI markalı neft 0,05 dollar yüksələrək bareli 47.88 dollara, Brent nefti isə 0,04 dollar yüksələrək bareli 50.81 dollara çıxıb. "Marja" xəbər verir ki, qiymətlər bu həftə 3.5% artıb.
Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.
Qeyd edək ki, ekspertlərin qiymətləndirməsinə görə, neftin qiymətinin 1 dollar artması ölkəmizə bir gündə təxminən 500 min dollar qazandırır.
