Leyla Abdullayeva, Sputnik Azərbaycan
BAKI, 9 may — Sputnik. Xaçmaz rayonunda Nərəcan kəndi ərazisində yanğın olub. Sputnik Azərbaycan-ın məlumatına görə, yanğın rayonun Nərəcan kəndi ərazisinin kol-kosluq sahəsində günorta saatlarında meydana gəlib. Alovun söndürülməsi üçün Xaçmaz Dövlət Yanğından Mühafizə Hissəsinin 2 yanğınsöndürən maşını və canlı qüvvəsi hadisə yerinə cəlb olunub.
Onu da qeyd edək ki, meşə yaşayış məntəqəsinə yaxin ərazidə yerləşir. Buna görə də, kənd camaatı qorxu içində olub.
Yanğın 300 kv.m sahəni əhatə edib, digər ərazilər mühafizə olunub və yanğın söndürülüb. Hadisənin baş vermə səbəbləri araşdırılır.
