Leyla Abdullayeva, Sputnik Azərbaycan
BAKI, 9 may — Sputnik. Şabran rayonunda bədbəxt hadisə baş verib. Sputnik Azərbaycan-ın məlumatına görə, rayonun Dəvəçi kəndində yaşayan 46 yaşlı Məmməd Alahverdi oğlu Məmmədov özünə məxsus VAZ 21099 markalı avtomobillə Şabran şəhər sakini 38 yaşlı Vüqar Əlverdiyevi öldürüb. Hadisə ehtiyatsızlıq səbəbindən baş verib.
Belə ki, şəhərin M.Ə.Rəsulzadə küçəsində yerləşən avtomobil təmiri sexində avtomobil təmiri zamanı M.Məmmədov maşini arxaya vermək istəyib. Bu zaman sexdə çilingər işləyən üç uşaq atası 38 yaşlı Vüqar Əlverdiyevi avtomobillə sexin divarına sıxıb. Vüqar Əlverdiyev aldığı xəsarətdən elə yerindəcə dünyasını dəyişib.
Faktla bağlı Şabran Prokurorluğu araşdırma aparır.
