BAKI, 5 may — Sputnik. Qazaxıstanın paytaxtı Astanada keçirilən "Suriya" başlıqlı konfransda əldə olunan "təhlükəsiz zonalar" planına Səudiyyə Ərəbistanı dəstək verib. Sputnik Azərbaycan Rusiya mətbuatına istinadən xəbər verir ki, bu barədə Səudiyyə Ərəbistanının xarici işlər naziri Adil əl Cübeyr açıqlama verib.
Nazir deyib ki, rəsmi ər-Riyad Astanada qəbul olunan planı dəstəkləyir və növbəti detalların açıqlanacağını gözləyir.
Xatırladaq ki, dünən Qazaxıstanın paytaxtı Astanada Suriyada dörd uçuşa qadağan zonasının yaradılması haqda memorandum imzalanıb.
