BAKI, 5 may — Sputnik. Bakı Şəhər Halqası bu il Azərbaycanda keçiriləcək Formula 1 yarışında yerli və xarici azarkeşlərin əyləncəsi üçün yeniliklər təşkil edir.
Belə ki, bu dəfə də yarışların axşamı azarkeşlərin istirahət etməsi üçün cümə, şənbə və bazar günləri axşam saatlarında yarışın ulduz qonaqları konsert proqramı ilə Bulvar ərazisində hazırlanan səhnədə çıxış edəcək. Bazar günü 25 iyun tarixində yarışın final mərhələsindən sonra ulduz müğənni Meray Kerri (Mariah Carey) konsert proqramı ilə çıxış edəcək.
Qeyd edək ki, 23 iyunda Tarkan, 24 iyunda Nikol Şerzinger və "The Black Eyed Peas" və 25 iyun tarixində Meray Kerri Azərbaycanda konsert verəcək.
