BAKI, 3 may — Sputnik. Yunanıstanın paytaxtı Afinada, ibtidai məktəbin həyətində silahlı atışma baş verib. Sputnik Azərbaycan xarici mətbuata istinadən xəbər verir ki, hadisə nəticəsində bir nəfər ölüb, bir nəfər isə yaralanıb.
Məlumata görə, iki naməlum şəxs məktəbin həyətinə yaxın ərazidə bir-birinə atəş açıblar. Hadisə valideynlər uşaqlarını məktəbə apararkən, yəni səhər saatlarında baş verib. Məktəbdə 1 günlük tətil elan olunub. Polisin dediyinə görə, atışmaya səbəb iki cinayətkar qruplar arasında baş verən münaqişədir.
