BAKI, 3 may — Sputnik. Mayın 13-də Azərbaycan Dövlət Akademik Opera və Balet Teatrında L.Minkusun "Don Kixot" baletinin növbəti tamaşası keçiriləcək.
Teatrın mətbuat xidmətindən Sputnik Azərbaycan-a verilən məlumata görə, uzun illərdən bəri teatrın repertuarında olan bu tamaşada əsas rolları balet truppasının aparıcı solistləri — Ayan Eyvazova, Əməkdar artistlər Makar Ferştandt, Tamilla Məmmədzadə, Alsu Qimadiyeva, Anar Mikayılov, Cəmilə Kərimova, Elmira Süleymanova, Faiq Qubatov və b. ifa edəcəklər.
Qeyd edək gənc solist A. Eyvazova Kitri partiyasında ilk dəfə çıxış edəcək.
Belarus Milli Akademik Böyük Opera və Balet Teatrı ilə Azərbaycan Opera və Balet Teatrı arasında qarşılıqlı əməkdaşlıq çərçivəsində tamaşanı beloruslu dirijor Andrey İvanov idarə edəcək.
