Şounun Azərbaycandan olan ilk iştirakçısı, artıq layihəni tərk etmiş Pərvanə Alcanova Sputnik Azərbaycan-dakı videomüraciətində layihənin digər iştirakçısı Xoşqədəmi xoş sözlərlə dəstəkləyib və ona uğurlar arzulayıb.
Azərbaycanlı iştirakçı Xoşqədəm Mehdiyevanın "Sən supersən" müsabiqəsinin finalına çıxıb-çıxmayacağını şənbə günü, Bakı vaxtı ilə saat 21.00-da Rusiyanın NTV kanalının, həmçinin MDB və Baltikyanı ölkələrin gündəlik rejimdə işləyən Sputnik portallarının canlı yayımından izləyə bilərsiniz.
Rusiyanın NTV telekanalı və Sputnik Beynəlxalq İnformasiya agentliyinin "Sən supersən!" layihəsi fevralın 11-də start götürüb. Layihədə valideyn himayəsindən məhrum olmuş istedadlı uşaqlar iştirak edirlər.
