BAKI, 24 aprel — Sputnik. Səudiyyə Ərəbistanı Kralı Səlman bin Əbdüləziz, oğlu şahzadə Xalid bin Səlmanı Amerikaya səfir təyin edib. Sputnik Azərbaycan bu barədə "Əl-Ərəbiyə" agentliyinə istinadən məlumat verir.
Hərbi pilot olaraq Suriyada İŞİD və Yəməndə husilərə qarşı əməliyyatlara qatılan Xalid, təhsilini ABŞ-ın Harvard və Corctaun universitetlərində alıb. Analitiklər bu təyinatla Səudiyyə Ərəbistanının ABŞ-ın yeni rəhbəri Donald Trampla əlaqələri gücləndirmək niyyətində olduğunu bildirirlər.
