BAKI, 24 aprel — Sputnik. Fransada birinci tur prezident seçkilərinin qalibi müəyyən edilib.
Sputnik-in xəbərinə görə, artıq bülletenlərin 100 faizi hesablanıb.
Sabiq iqtisadiyyat naziri, “En Marche” Hərəkatının lideri Emmanuel Makron 23,75%, “Milli Cəbhə” partiyasının lideri Marin Le Pen isə 21, 53 % səs toplayıb. Keçmiş baş nazir, respublikaçıların namizədi Fransua Fiyon 19,91 faiz səslə üçüncü, solçu namizəd Jan-Lyuk Melanşon isə 19,64 faiz səslə dördüncü yerdə qərarlaşıb.
Beləliklə, Fransada prezident seçkilərinin ikinci turuna Le Pen və Makron adlayıblar. Seçkilərin ikinci turu mayın 7-də keçiriləcək.
