BAKI, 22 aprel — Sputnik. Türkiyənin məşhur müğənnisi Tarkan Formula 1 yarışı zamanı Bakıya gələrək konsert verəcək.
Bunu Sputnik Azərbaycan-a “Bakı Şəhər Halqası” Əməliyyat Şirkətinin (BŞH) marketinq və kommunikasiya şöbəsinin rəhbəri Nigar Arpadarai bildirib.
Nigar Arpadarai qeyd edib ki, iyunun 23-25-də Bakıda keçiriləcək növbəti Formula 1 yarışının ilk günündə — iyunun 23-də axşam saatlarında Türkiyənin məşhur müğənnisi Tarkan Dənizkənarı Milli Park ərazisində yerləşən böyük səhnədə konsert proqramı ilə çıxış edəcək.
