BAKI, 21 aprel — Sputnik. Venesuelada hökumət əleyhinə kütləvi etiraz aksiyaları davam edir. Sputnik Azərbaycan "The Guardian"-a istinadən xəbər verir ki, polislə yaşanan qarşıdurmada 223 nəfər xəsarət alıb.
Mitinq başlayar-başlamaz polisin nümayişçilərə qarşı gözyaşardıcı qazdan istifadə etməsi kütləni bərk qəzəbləndirib. Getdikcə gərginlik daha da böyüyüb. 600 nəfərə yaxın etirazçının həbs olunduğu bildirilir.
Qeyd edək ki, Venesuelada aksiyalar aprel ayının 4-dən etibarən davam edir. Etirazlara səbəb Ali Məhkəmənin parlamentin səlahiyyətini məşhdudlaşdırmasıdır.
