BAKI, 19 aprel — Sputnik. 2016-cı ilin 9 ayı ərzində baş vermiş yanğınların aradan qaldırılması üçün daxil olmuş müxtəlif çağırışlar üzrə operativ olaraq 10445 çıxış edilib.
Bu barədə Sputnik Azərbaycan-a Fövqəladə Hallar Nazirliyinin mətbuat xidmətindən məlumat verilib.
Belə ki, çıxışlardan çoxmənzilli yaşayış binalarında və fərdi evlərdə yanğınlar – 1709 çıxış, açıq sahələrdə yanğınlar zamanı – 6776 çıxış, meşə və meşə talalarında yanğınlar – 5 çıxış, nəqliyyat vasitələrində yanğınlar – 290 çıxış, digər yanğınlar zamanı 1665 çıxış qeydə alınıb.
Yanğın hadisələri zamanı 29 nəfər həlak olub, 120 nəfər xəsarət alıb. Bu da 2015-ci ilin müvafiq dövrü ilə müqayisədə yanğından həlak olanlar üzrə 26 nəfər və ya 48%, xəsarət alanlar üzrə 13 nəfər və ya 98% çoxdur.
